"Кутганимдек, бу оғир ўйин бўлишини болаларга ўйиндан олдин таъкидлаган эдим. Шунақа ҳам бўлиб чиқди. "Гулистон" жамоаси ҳам шижоатли ҳаракат қилди. Мен ҳар доим айтаман, менталитетимизни ўзгартиришимиз керак. Футболда ҳамма нарсага эга бўлиш мумкин, агар шижоат бўлмаса, жудаям қийин. Биринчи бўлимда ҳам мухлислардан узр сўрайман, йигитларни ўйинига... Бу менсимаслик очиқ-ойдин кўринди. Энди бир ёқдан тушунишимиз мумкин, қайси лигада ўйнаётганига қараб туриб баҳо беради, лекин майдонда тирик инсонлар ҳаракат қилади-да. Шуни ҳисобга олинмагани учун шунақа оғир ўйин бўлди. Лекин иккинчи бўлимда ўз ўйинимизни топиб, ҳақли равишда кейинги этапга чиқдик.
Ўшанинг учун ҳам ечиниш хонасига кирганда айтаман, ҳомий топишибди мана шунақа ўйинларга, "Валидол" деган бор-ку. 25-санадаги ўйинга тайёргарлик кўришимиз керак. Бундан йигитлар тўғри хулоса чиқариши керак, нимагаки ўйнайдиган улар, майдонда ҳаракат қиладиган футболчилар. Бизлар ёмонлик тиламаймиз, тўғри йўналиш кўрсатамиз. Ким шундан тўғри хулоса чиқарса, карьераси ҳам яхши бўлади, яхши футбол ҳам ўйнайди, завқланиб. Бу улар учун хулоса чиқариш учун яхши дарс бўлди.
Мен "Гулистон"га айтган бўлардим, ўз лигасида ҳам мана шунақа шижоат билан ўйнашни. Фақат бизларга қарши эмас, ўзи футболни шунақа ўйнаш керак-да. Шуни тушунишса, фарқи йўқ қуйи лигада бўладими, яхши бўлади. Лекин жудаям қизиқарли ўйин бўлди. Мухлисларга миннатдорчилик билдираман, қўллаб-қувватлашди, "Гулистон"дан келишди. Яхши мухлислик қилишди", - дея гап бошлади Миржалол Қосимов.
- "Гулистон" жамоаси ёш, Биринчи лигада ўйнаяпти. Мураббий сифатида ўзингиз бу жамоа ҳақида нима дея оласиз? Жамоа масалан Про лигага чиқса, нима кутиш мумкин?
- Агарда, ҳозир айтганимдек, менталитетимизни ўзгартириб фақат бир йилда бир марта эмас, масалан ҳар доим шу тарзда ҳаракат қилинса, бемалол ўйнай олади. Бемалол ҳаммага бош оғриқ бўла олади. Ҳозир келишингиздан олдин ҳам айтдим, улар ҳамма нарсага эга: техникага ҳам, жисмоний тарафдан ҳам, фикрлашда ҳам. Агарда футболчига энг кераклиги — ўша шижоати бўлиши керак. Бепарво бўлдими, менсимадими, ҳурмат қилмадими, ўйини ҳам чиқмайди, ютуқлар ҳам бўлмайди.
