- Ўйин ҳақида фикрингиз?
- Доимгидек ўйинга коментария йўқ. Рақибни ҳақли ғалаба билан табриклайман. Жамоамиздаги муаммолар ҳамон давом этмоқда. Хатолар айниқса ҳимояда ўйнаганимизда кўриняпти. Ўйлаймиз, вазиятдан чиқиш борасида бош қотирамиз.
- Сиз билан қанча муддатга шартнома имзоланган?
- Йил охирига қадар, тўрт ойлик.
- Бундай қисқа муддат шартнома тузгандан кейин сиздан яна талаб қилиш мумкин?
- Нима талаб қилиш керак бўлади?
- Жамоа шундай вазиятда турибдики...
- Жамоа қаторасига 11 тур охирги ўринда турди.
- Лекин сиз келгандан кейин учқун пайдо бўлди.
- Янги мураббий келса одатда шундай бўлади. Ҳаяжон ҳаммада юқори бўлади, бошида ўйинлар зўр кечади. Кейин нимадир қуришни бошлайсан ва иш яна орқага кетади. Биздаги энг катта муаммо ҳимояда. Бунинг сабабини билмайман. Бундан ёмон бўлади деб ўйламайман. Ўтказиб юборилган голларни ўзимизга ўзимиз олиб келяпмиз. Бу вазиятда нима қилиш керак? Ўйинчиларни алмаштиришми? Ҳа, бошқа йўл кўрмаяпман. Ким билан тушиб кетишимизнинг нима фарқи бор? Шу жамоа биланми ё ўринбосарлар биланми? Жамоани ёшартирамиз. Нима бўлишини вақт кўрсатади. Кейинги тур 80 фоизга таркиб ўзгаради.
- Аксар мураббийлар мағлубиятга мен айбдор дейишади. Яъни бу ўринда футболчилар ҳеч нимага жавоб бермайдими?
- Ўйинлар турлича бўлади, қайсидир вазиятда мураббий айбдор бўлади: тактика хато кетади, ўйинчиларни нотўғри алмаштирасан. Бу каби хатоларни ҳамма мураббий қилиши мумкин. Бугун майдонга тушган кўп ўйинчилар бор кучни беришди. Агар сен скрипка чалсанг, космосга уча олмайсан. Биз ўйинни майон четида кўрамиз, футболчилар майдонда ўйнайди. Матбуот анжуманига футболчиларни ҳам чақириш керак, улар ҳам изоҳ берсин, чунки футболни улар ўйнайди. Улар ҳам изоҳ бериши керак. Шартнома тузаётганимда айтгандим: 6та тур жамоани ўйнатаман, кейин бир қарорга келаман: ё таркибни ўзгартирамиз, ё шу таркиб билан давом этамиз. Бу ҳақда раҳбариятга айтганман. Мана олтита тур ўтди ва энди қарор чиқариш пайти келди.
- Яна бир савол: ўтган йил U-21 жамоаси бир кун кейин ўйнарди, бу йил бир кун олдинга кўчди. Бу ҳақда нима дея оласиз?
- Ҳар бир тизимнинг ўз плюс ва минуслари бор. Бир кун кейин ўйнаганда асосий жамоада ўйнмаганлар ўринбосарларга бориб у ерда тажриба олишарди. Бу томондан яхши. Лекин иккинчи томондан бизнинг жамоани олайлик, олти ойдан бери маош йўқ, ҳеч кимнинг ишлагиси келмаяпти, ҳатто майдон суғорилмаяпти, чунки ишчиларнинг ҳам ишлагиси келмаяпти. Бу биз учун фожеа.
Сафар ўйинларига ҳам бир амаллаб боряпмиз. Менимча, бу кетишда бир кун олдинмас, ўйин куни бориб ўйнаб қайтамиз. Вазиятни ҳаммамиз тушуниб турибмиз. Олти ёшимдан бери футболдаман. Ўзим ҳам футбол ўйнаганман, 47 йилдан бери футболдаман. Футболни ҳаммамиз севамиз, лекин уйда болаларни боқиш керак-ку. Шундай паллада кимнинг хаёли футболда бўлади? Терма жамоа Жаҳон чемпионатига чиққанидан кейин футболда "Бум" бўлиши керак эди, лекин вазият бошқача тус олди. Нима учун шундайлигини билмайман.
