Liga 1 ning 1-turidan o'rin olgan o'yin 23 avgust kuni "Park de Prens"da bo'lib o'tishi kerak edi. Ammo bu yozda Parij mintaqasida kuzatilgan navbatdagi issiqlik to'lqini "Pari Sen-Jermen" uy stadioni maydoni holatini yomonlashtirdi. Fransiya professional futbol ligasi (LFP) maysa sifatini baholab, hozirgi holat o'yinni qoniqarli sharoitda o'tkazishga va futbolchilar salomatligi uchun xavfni bartaraf etishga imkon bermaydi, degan xulosaga keldi. Yakunda klublar davralarni almashishga kelishib olishdi – 1-tur o'yini Renndagi "Roazon Park" stadionida o'tkaziladi, javob bahsi esa Parijda bo'lib o'tadi. PSJ bo'lajak o'yinlar oldidan "Park de Prens" maydoni maysasini almashtiradi. Jamoaning keyingi uy o'yini – "Monako"ga qarshi bahs Liga 1 ning 3-turi doirasida 4 sentyabr kuni bo'lib o'tadi.
