Fort-Loderdeyldagi "Di-Er-Vi Pi-En-Ka Stedium" stadionida kechgan uchrashuv 2:2 hisobidagi durang bilan nihoyasiga etdi.
"Inter Mayami" safida gollarni argentinalik hujumchi Lionel Messi va urugvaylik forvard Luis Suares kiritishdi. Qayd etish joizki, argentinalik futbolchi uchun ushbu gol faoliyatidagi 930-si bo'ldi.
Mehmonlar tarkibida esa Anders Dreyer dubl muallifiga aylandi.
"Inter Mayami" MLSda ketma-ket to'rtinchi marta durang o'ynadi. "San-Diego" esa uchta o'yindan iborat mag'lubiyatli seriyasiga chek qo'ydi.
MLSning keyingi o'yinida "Inter Mayami" "Kolambus Kryu" bilan to'qnash keladi, "San-Diego" esa "Ostin"ga qarshi maydonga tushadi. Bahslar mos ravishda 28 va 27 sentyabr kunlari bo'lib o'tadi.
