– SSKA hamda OKMK jamoalari o'rtasidagi uchrashuvning birinchi bo'limi o'z nihoyasiga etdi. 1:1 hisobi qayd etildi.
– Yaxshi o'yin bo'ldi. Raqib ham, biz ham yaxshi harakat qildik. Ikkinchi bo'limda g'alaba qozonishga harakat qilamiz.
– O'yindan oldin besh-olti soat yomg'ir yog'di, bu o'yinga qanchalik ta’sir qildi? Ko'ryapmizki, stadionning narigi tomonida ancha suv to'planib qolgan ekan.
– Yomg'ir bo'lgani bilinmadi. Aksincha, yaxshi bo'ldi.
– Mashg'ulotlar qanday o'tyapti? Birinchi yig'in Abu-Dabida, endigisi Turkiyada davom etmoqda. Qanchalik farq bor?
– Abu-Dabidagi birinchi yig'in ko'proq jismoniy tayyorgarlikka qaratilgandi. Ikkinchi yig'inda ko'proq bellashuv o'tkazamiz, beshtami o'yin o'ynarkanmiz. Shu orqali jismoniy holatimizni tiklaymiz.
– Bugun tug'ilgan kuningiz ekan (7 fevral). Tabriklaymiz!
– 18 ga kirdim (kuladi).
– Yanvar-fevral oyida tavallud topganlar tug'ilgan kunlarini uyidan uzoqda nishonlashadi. Chunki futbolchilar mana shu paytda xorijiy o'quv-yig'in mashg'ulotlarida bo'lishadi.
– Shunaqa. To'g'risi, oxirgi marta tug'ilgan kunimni uyda nishonlaganimni eslolmayman.
– Siz olgan eng yaxshi sovg'a?
– Eng qadrlisi – ota-onam tabrigi.
