23-turning eng yaxshi darvozaboni - Hamidullo Abdunabiev (OKMK)
OKMK darvozaboni Hamidullo Abdunabiev “Navbahor” bilan bahsda (2:2) penaltini qaytardi va jamoasini bir qator vaziyatlarda goldan qutqardi. U uchrashuv mobaynida 5 ta seyv qilib, tur darvozaboni nomiga loyiq ko'rildi.
23-turning eng yaxshi murabbiyi - Aleksandr Xomyakov (“Buxoro”)
“Buxoro” ortda qolgan turda “Andijon”ga 0:2 hisobida mag'lubiyatga uchray turib, 3:2 hisobida zafar quchdi. Dahshatli kambek qayd etilishida Aleksandr Xomyakovning o'rni beqiyos. Uning o'zgarishlari natijasida buxoroliklar 80-daqiqadan keyin 3 ta to'p kiritib, g'alabani ilib ketishdi. Shu tariqa, Xomyakov tur murabbiyi sifatida etirof etildi.
23-turning eng yaxshi futbolchisi - Rafael Tavaresh (“Xorazm”)
“Xorazm” bu turda “Neftchi” bilan jangovar durang qayd etdi (2:2). Xorazmliklarning braziliyalik hujumchisi Rafael Tavaresh uchrashuvda o'zining eng yorqin tomonlarini namoyish etib, dublni rasmiylashtirdi va tur futbolchisiga aylandi.
23-turning eng chiroyli goli muallifi - Sardor Mirzaev (“Lokomotiv”)
“Lokomotiv” bu turda “So'g'diyona” maydoniga safar uyushtirib, 3:2 hisobida g'alaba qozondi. “Temiryo'lchilar” vingeri Sardor Mirzaev 48-daqiqada Abduxoliqovdan pas qabul qilib olib, chap oyoqda uzoq burchakni nishonga oldi. Tajribali futbolchining bu goli turdagi eng chiroylisi sifatida etirof qilindi. Quyida mazkur golni tomosha qilishingiz mumkin.
