Bunda "Mashal" bosh murabbiyi Ildar Sakaev ishtirok etdi.
- O'yin haqida fikringiz?
- O'yin tugashi bilan alhamdulillah dedim. Noxush seriya qachondir tugashi kerak edi-ku. 14ta uchrashuvning faqat bittasida yutdik. Ruhiy o'raga tushib qolgandik. Bugun Kubokning oxirgi o'yinini g'alaba bilan yakunladik, endi jamoaga dam beramiz. Yaxshi bahs guvohi bo'ldik, g'alaba jamoamiz foydasiga ishlaydi deb umid qilaman. Umuman har bir o'yindan dars olsa bo'ladi. Kubokni guruh bosqichida tugatdik, endi bor e'tiborni chempionatga qaratamiz. Ikkinchi davraga rejalar tuzib qo'yganmiz, shular ustida ish olib boramiz.
