Пойтахтдаги тартибсизликлар пайшанба оқшомида, Триполининг "Ал-Иттиҳод" футбол клуби мухлислари Мисратанинг "Ас-Сувайҳлий" клубига қарши ўйинда ҳакамнинг пенальти белгиламаган қарорига норозилик билдириб, кўчаларга чиққанидан сўнг авж олди.
Учрашув Триполидан 65 километр жануби-шарқда жойлашган Тарҳуна шаҳри стадионида бўлиб ўтган. Ўйинни бевосита кузатиб борган "Reuters" журналистининг сўзларига кўра, "Ал-Иттиҳод" жамоасининг ҳакам қарорига эътирози туфайли баҳс 87-дақиқада тўхтатилган.
Журналистнинг таъкидлашича, "Ал-Иттиҳод" мухлислари майдонга бостириб кириб, мулкка зарар етказган ва стадион қўриқчиларини жароҳатлаган тартибсизликларни келтириб чиқаришган.
Икки гувоҳнинг сўзларига кўра, Триполида ўйинни ўз клуби базасида томоша қилаётган "Ал-Иттиҳод" мухлислари ҳукумат биноси томон юриш қилган ва "ўз ғазабларини ифодалаш учун" пиротехника воситаларини ишга солган. Оқибатда бинонинг фасад қисмида ёнғин келиб чиққан.
