O'yindan so'ng "albiseleste" himoyachisi Nauel Molina yonidan yugurib o'tayotgan Rodrining ko'kragiga qo'li bilan urdi. Yarim himoyachi Leandro Paredes esa Ispaniya terma jamoasi himoyachisi Erik Garsiyaning oyog'iga tepib, tomog'idan ushladi, so'ngra Gavini maydon maysazoriga itarib yubordi.
"O'sha paytda men boshqa odamlar bilan g'alabani nishonlayotganim sababli nima bo'layotganini tushunmadim. Har qanday holatda ham, o'yin oldi kunlarida men tomonimdan maqtovlarga sazovor bo'lgan va ajoyib murabbiyga ega bo'lgan bunday darajadagi o'yinchilar tomonidan bunday xatti-harakatlarga yo'l qo'yib bo'lmaydi va buni qabul qilib bo'lmaydi deb hisoblayman.
Ushbu provokaciyalarga javoban futbolchilarimizning o'zini tutishini alohida takidlash lozim deb o'ylayman. Ular butun o'yin davomida haqiqiy sportchilarga xos vazminlikni saqlab qolishdi", - deya de la Fuentening so'zlarini "TVE" keltiradi.
