"Неймар душанба куни МРТ (магнит-резонанс томография) текширувидан ўтди ва тестлар унинг тикланиш жараёни кутилган меъёрлар доирасида яхши кетаётганини кўрсатди. У Бразилия миллий терма жамоаси тиббий комиссияси томонидан белгиланган режа асосида даволанишни давом эттиради", — дейилади баёнотда.
Эслатиб ўтамиз, май ойининг охирида вингернинг болдир мушакларида иккинчи даражали жароҳат аниқланган эди. Унинг тикланиши учун икки ҳафтадан уч ҳафтагача вақт талаб этилиши хабар қилинган.
