24 ёшли футболчи сентябрь ойидан буён "Байер"дан ижарага олинган ҳолда "канонирлар" сафида тўп сурмоқда, бироқ лондонликлар мавсум якунида эквадорлик ўйинчини тўлиқ сотиб олиши ҳақида хабар берилганди.
Daily Mail нашрининг ёзишича, Каталония клуби спорт директори Деку Инкапьенинг трансфери мураккаб вазифа эканлигини тушуниб турибди, аммо "Барселона" буни амалга оширишга уриниб кўришга тайёр. Ҳимоячининг ўзи эса "Арсенал"даги ҳолатидан мамнун.
Жорий мавсумда Инкапье барча турнирларда 40 та ўйинда иштирок этиб, битта гол урди ва иккита голли узатмани амалга оширди. Футболчининг Леверкузен клуби билан амалдаги меҳнат шартномаси 2029 йилнинг ёзигача мўлжалланган. Transfermarkt портали маълумотларига кўра, футболчининг бозор қиймати 50 млн еврони ташкил этади.
