Klublar 22 mln evro va bonuslar sifatida 4 mln evrolik kelishuvga erishdi, deya xabar bermoqda insayder Fabricio Romano.
Neapolliklar o'tgan haftada 25 yoshli futbolchi uchun 30+5 mln evro olmoqchi ekani aytilgandi.
Hujumchi kecha ertalab "Atletiko"ga o'tishni istab, shaxsiy transfer shartlarini kelishib oldi. "Napoli" esa o'z navbatida futbolchini sotishga tayyor edi.
Raspadori o'tgan mavsum A Seriyada 26 ta o'yinda maydonga tushib, 6 ta gol va 1 ta golli uzatmaga mualliflik qilgan.
