- Ўйин ҳақида фикрингиз?
- Учрашув томошабоп ҳамда чиройли кечди. Биринчи навбатда футболчиларимизга раҳмат айтмоқчиман. Аввалги учрашувда Ўзбекистон Кубоги доирасида "Навбаҳор"га қарши баҳс олиб бордик ва ўйинчиларимиз кўп куч йўқотди. Тезда тикланиб олдик ва бугунги ўйинда ҳам яхши ҳаракат қилдик. Учрашув 2:2 ҳисобида тугади. Барибир хато ва камчиликлар кўринди. Ҳали ишлайдиган жиҳатларимиз кўп. Ўйинни таҳлил қилиб хатоларни ўрганамиз. Насиб қилса кейинги беллашувларга ҳам яхши кайфиятда ҳозирлик кўрамиз.
- "Навбаҳор" билан ўйиндан кейин футболчилар баъзи жиҳатлар бўйича "Навбаҳор"дан устун ўйнади деб айтган эдингиз. Бугунги учрашув борасида нима дея оласиз?
- Бугун кўп марта ҳушёрликни йўқотиб қўйдик. Лекин буни тўғри тушуниш керак деб ўйлайман, чунки футболчиларимиз ҳалиям ўрганиш ёшида. Шу орқали ёшлар ўсиб боради.
- Бугун "Ғазалкент" икки очко йўқотдими ёки бир очкога эга бўлдими?
- Тўғриси, биз бу ерга ютуқни кўзлаб келгандик. Ғалаба қозонишимиз ҳам мумкин эди, фақат ҳушёрликни йўқотиб қўйганимиз сабаб дуранг ўйнадик. Лекин дурангдан хафа эмасмиз, муҳими жамоамиз кўрсатган ўйиндан кўнглим тўлди. Машғулотларда ишланган нарсаларни ўйинда кўрсата олдик. Муҳими шу. Бу - футбол, бугун ютасан, эртага ютқазасан. Авваламбор ишга муносабат ўзгармаса бўлгани.
