Жанубий Корея жамоаси "А" гуруҳида 3 очко жамғарган ҳолда учинчи ўринни эгаллади ва жаҳон чемпионатининг плей-офф босқичига чиқа олмади.
"Бугун мен миллий терма жамоа бош мураббийлигидан кетяпман, — деди Хон Мён Бо. — Корея футболини севадиган ва миллий терма жамоани қўллаб-қувватлайдиган мухлисларимиздан узур сўрамоқчиман. Биз мухлисларимиз кутган натижаларга эриша олмадик ва бунинг учун бутун масъулият менинг бўйнимда".
Хон Мён Бо 57 ёшда, у терма жамоани 2024 йилдан буён бошқариб келаётган эди. Мутахассиснинг шартномаси 2027 йилги Осиё Кубоги якунига қадар амал қилиши белгиланганди.
