- Ўйин ҳақида фикрингиз?
- Учрашув тенг курашлар остида ўтди. "Шўртан"ни ғалаба билан табриклайман. Биз ҳам ҳаракат қилдик, лекин режаларимиз ўхшамади.
- Иккинчи таймда футболчингиз қизил карточка олди. Ўша вазиятга қандай қарайсиз?
- Ўша вазиятда футболчимиз қизишиб кетди ва бунинг оқибатида қизил карточка олди. Мақсадимиз гол уриб мувозанатни тиклаш эди. Фақат олдинга ҳаракат қилишимиз кераклиги боис ҳимояни эътиборга олмадик. Шу боис ҳужумчиларни майдонга туширдик. Футболчиларимиз кўрсатган ўйин менга ёқди.
- Мураббийлар штабидан фақат ўзингиз жой олгансиз. Сизга қийин бўлмаяптими?
- Қийин бўляпти. Ёрдамчилар бор, лекин молиявий жиҳатдан қийин бўлаётгани учун ўзимиз билан олиб кетмаяпмиз. Барибир гап айланиб молияга тақалди.
