Бунга "Саутгемптон"нинг Чемпионшип плей-офф финалидан четлатилгани сабаб бўлди.
Эслатиб ўтамиз, аввалроқ "Саутгемптон" таҳлилчиси плей-офф босқичидаги илк учрашув олдидан "Мидлсбро" машғулотларини яширинча видеога олаётганда қўлга тушганди. Икки ўйин натижасига кўра, "Саутгемптон" рақибидан устун келиб (0:0, 2:1), финалга чиққанди. Режа бўйича улар 23 май куни "Халл Сити" билан АПЛ йўлланмаси учун курашиши керак эди, аммо энди финалда "Мидлсбро" майдонга тушадиган бўлди.
"Халл Сити" раҳбарияти бир ҳафтадан ортиқ вақт давомида айнан "Саутгемптон"га қарши ўйин учун тайёргарлик кўриб, энди тўсатдан "Мидлсбро"га қарши майдонга тушишга мажбур бўлаётганидан қаттиқ норози.
"Авлиёлар" томонидан берилган аппеляция шикояти бугун кўриб чиқилади. Шу сабабли "Халл Сити" футболчиларига бугун олдиндан режалаштирилган дам олиш куни берилди. Жамоа эртага машғулотларга қайтади — ўшанда уларда "Мидлсбро"га қарши ўйинга икки кунлик тайёргарлик вақти қолади ёки финалда барибир яна "Саутгемптон"га қарши ўйнаш ҳақидаги хабарни эшитишади.
Журналист Бен Жейкобснинг маълум қилишича, "Халл Сити" барча ҳуқуқий вариантларни очиқ қолдирмоқда, ҳатто вазият бўйича финал учрашуви тугаганидан кейин ҳам судга шикоят қилиш эҳтимолини кўриб чиқяпти.
