"Ayrim jihatlarda yaxshi ko'rindik, albatta, yaxshilashimiz kerak bo'lgan tomonlar ham bor. Bugun barchasi ideal bo'lishi mumkin emasdi. Biroq maydonga chiqib, o'zimizga ko'p ish yaratib qo'yganimiz vazifamizni yanada qiyinlashtirdi.
Menimcha, bu yangi ligaga ko'tarilgan jamoaga uning maydonida qarshi o'tkaziladigan tipik o'yinlardan biri bo'ldi. Biz ularga buncha ko'p imkoniyat bermasligimiz kerak edi. Shu bilan birga, bizda ham vaziyatlar va imkoniyatlar bo'ldi, faqat ulardan foydalanish yoki yanada ko'proq vaziyat yaratish uchun ozgina "uchqun" yetishmadi.
Ikkita gol o'tkazib yuborishning o'zi asabiylashtiradi. Ayniqsa, biz uzoq vaqt davomida yaxshi eplay olgan standart vaziyatlardan gol o'tkazganimiz alamli. Bugun aynan shu vaziyatlar o'yin taqdirini hal qildi.
Albatta, yaxshilashimiz kerak bo'lgan jihatlar bor. Ammo umuman olganda, biz ancha yaxshi o'ynadik. Bitta o'yin umumiy yo'nalishni o'zgartirmaydi.
Bu mavsumdagi birinchi o'yin edi. Albatta, buning o'ziyoq xafa bo'lish uchun etarli. Bu og'riqli. Lekin bu faqat bitta o'yin. U jamoa yoki klub harakatlanayotgan umumiy yo'nalishni o'zgartirmaydi.
Biz xotirjamlikni saqlaymiz, o'z rejamizdan boshqa tomonga yurmaymiz va navbatdagi o'yinga e'tibor qaratamiz", - dedi Kerrik.
