"Юнайтед" Премьер-лиганинг янги мавсумини меҳмонда "Халл"га 0:2 ҳисобида мағлуб бўлиш билан бошлади. Биринчи гол бурчак зарбасидан сўнг, иккинчиси эса жарима зарбасидан сўнг ўтказиб юборилди.
Фернандеш "Юнайтед" гўёки ўтган мавсумнинг биринчи ярмидаги ҳолатига қайтиб қолгандек ҳис қилмоқда, ўшанда жамоа стандартлардан мунтазам равишда гол ўтказиб юборар эди.
"Ўтган мавсумдаги каби хатолар, рақибга тўп билан ҳаддан ташқари кўп имконият бериб қўйдик.
Дастлабки 20 дақиқада рақиб дарвозабони энг кўп тўпга тегинганлардан бири бўлди. Биз кўпроқ прессинг қилишимиз, агрессив бўлишимиз керак, шунингдек, яна стандартлар устида ишлашимиз ва бундай голларни ўтказиб юбормаслигимиз лозим.
Бундай жамоаларга қарши ўйнаганингизда, улар айнан мана шундай фурсатни кутишади. Биз ўйиндан олдин ҳам стандартлар улар ўйинининг муҳим қисми эканини билар эдик. Бутун мавсум олди тайёргарлик даврида улар тўртта ҳимоячи билан ўйнашган эди, аммо бизга қарши бой-баст қўшиш ва бундай вазиятларда яхшироқ ҳаракат қилиш учун бешта ҳимоячини майдонга туширишди.
Энг алам қилгани — биз ўйинни бой берганимиз бўлди", — дейди Фернандеш "TNT Sports"га.
