Бу ҳақда The Guardian журналисти Ромен Молина хабар берди.
Манба берган маълумотларга кўра, ФИФАнинг яқинда АҚШ терма жамоаси ўйинчиси Фоларин Балогуннинг Жаҳон чемпионати — 2026 доирасидаги дисквалификациясини кечиктириш ҳақидаги қароридан сўнг, бундай гап-сўзлар нафақат Европада, балки дунёнинг бошқа минтақаларидаги футбол раҳбарлари орасида ҳам фаоллашган. Кўплаб функционерлар "бундай давом этиши мумкин эмас" ва ФИФА муқобил раҳбариятга муҳтож деб ҳисоблашмоқда.
Шу билан бирга, муҳокамалар ва реал ҳаракатлар ўртасида катта фарқ бор. Кейинги сайловларда Инфантинога очиқчасига қарши чиқиш учун "сиёсий жасорат" керак, бу эса "бугунги кунда аксарият футбол раҳбарларида етишмаяпти".
Жанни Инфантино ФИФАни 2016 йилдан бери бошқариб келмоқда. Кейинчалик у 2019 ва 2023 йилларда ушбу лавозимга қайта сайланган.
