АҚШ терма жамоаси ҳужумчиси ЖЧ-2026 1/16 финали доирасидаги Босния ва Герцеговинага қарши ўйинда (2:0) Тарик Мухаремовичнинг тўпиғини босиб олгани учун майдондан четлатилган эди. Шундан сўнг у 1/8 финалда Бельгияга қарши ўйнаш имкониятига эга бўлди, чунки Балогуннинг бир ўйинлик дисквалификацияси бир йиллик синов муддати билан тўхтатиб турилди.
Шунингдек, АҚШ президенти Дональд Трамп футболчининг жазосини қайта кўриб чиқиш мақсадида ФИФА раҳбари Жанни Инфантинога қўнғироқ қилгани маълум бўлди.
"Агар бу рост бўлса, шунчаки ақлдан озиш.
Келинг, очиғини айтайлик: футбол — бу уларнинг эмас, бизнинг ўйинимиз. Футболдан мутлақо хабари йўқ бу икки киши бундай масалаларга ҳеч қандай алоқадор бўлмаслиги лозим.
Қизил карточка бор эди. Бу ерда икки хил фикр бўлиши мумкин эмас. Ҳа, бундай қўполлик ишлатишни хоҳламаган Балогунга ачинасан. Аммо қоида ўз номи билан ҳам қоида", — дея Клоппнинг MagentaTV эфиридаги сўзларини келтирмоқда.
