TEAMtalk хабарига кўра, "шпорлар"нинг футболчини сотиб олиш имкониятлари ПСЖ бор эътиборини "Барселона" форварди Ферран Торресга қаратганидан кейин янада ошган. Крупининг ўзи ҳам янги клубга ўтишга тайёр.
Манба берган маълумотларга кўра, яқин вақт ичида "Тоттенхэм" франциялик футболчи учун "Борнмут"га тахминан 100 миллион евро таклиф қилишни режалаштирмоқда. Аввалроқ Крупи ўтган мавсум охирида "Тоттенхэм" бошқарувига келган Роберто Де Дзерби қўл остида ўйнашни хоҳлаётгани хабар қилинганди.
Шунингдек, ҳужумчига "Арсенал", "Манчестер Сити" ва ўйинчининг чиқишларини фаол кузатиб бораётган "Бавария" томонидан ҳам қизиқишлар борлиги маълум.
Ўтган мавсумда Эли Крупи "Борнмут" сафида 35 та ўйин ўтказиб, 13 та гол урди. Унинг бозор қиймати Transfermarkt маълумотларига кўра 70 миллион еврони ташкил этади. Футболчининг клуб билан шартнома муддати 2030 йилнинг ёзига қадар мўлжалланган.
