- "Nasaf"ning barcha muxlislarini bugun uzoq kutilgan g'alaba bilan tabriklaymiz. Bugun ular bilan muhim g'alabaga erishdik va kuchli raqibni yirik hisobda mag'lubiyatga uchratdik. Barchaga g'alaba muborak bo'lsin. O'yin boshidanoq hujumda ishlarimiz yurishdi. Bu bizga engillik berdi. Ikkinchi raqamli bo'lib o'ynagan bo'lsak-da, qarshi hujumlar va standartlarda yaxshi ishladik. Bu bugungi g'alabaning asosiy omillaridan biri bo'ldi.
- Adenis Shalaning almashtirilishiga sabab nima: jarohat yoki charchoq?
- Har 4-5 kunda o'yinlar bo'lyapti. Shu sababli unda toliqish borligini ko'rdik. Shu sababli uni almashtirishga majbur bo'ldik. Undan tashqari Murodjon Rahmatov ham engil jarohat oldi. Umid qilamanki, uning jarohati jiddiy emas.
- Ketma-ket mag'lubiyatlardan keyin "Nasaf"ni o'yinga tayyorlash qiyin bo'lmadimi?
- Barcha futbolchilar maksimal harakat qilyapti. Yutqazgan o'yinlarimizda ham yigitlarga etirozimiz yo'q edi, qayerdadir omadimiz yurishmadi. Bazi o'yinlarda yigitlarning ruhiy tayyogarligida kamchiliklar bo'lgandir, lekin har bir o'yinda yigitlar bor kuchi bilan harakat qilishyapti. O'yin boshida hujumda yaxshi harakat qilganimiz uchun o'yin biz uchun osonlashib ketdi.
- Yevropaning top klublari murabbiylarining kiyim almashtirish xonasida futbolchilarga ko'rsatmalar berayotgani haqidagi videolarni ko'p ko'ramiz. Siz "Nasaf"ni qanday uyg'ota oldingiz?
-Ketma-ket mag'lubiyatlardan keyin ham bugungi g'alaba jamoaning muhimligi yuqori. Futbolchilarning o'zi barchasini tushunib turibdi. Tayyorgarlik davomida futbolchilarga ruhan yaxshi tayyorlanish kerakligini aytganmiz. Jamoada ishtiyoq kuchli bo'lsa, har qanday raqibni mag'lub eta olishimizni ko'rsatdik. Shu sababli ruhiy tayyorgarlik juda muhim. Bu g'alaba, avvalo, o'zimiz, muxlislar uchun ham muhim edi. Ichki hissiyotlar orqali futbolchilar yutishlariga ishonishlari kerak.
- "Nasaf" maydoniga kelgan jamoalar, asosan, himoyaviy o'yin uslubini tanlashadi va ikkinchi raqamli bo'lib o'ynashadi. "Neftchi" ochiq futbol uchun jazolandimi?
- O'yin boshidagi gollar bizga engillik berdi. O'zlaringiz aytgansizlar, agar turnir jadvali autsayderlari kelib, chuqur himoyalansa, bizga qiyin bo'ladi. Shu sababli bizga hujumkor jamoalar bilan o'ynash maqulroq. Raqib hujumga o'tsa, biz uchun ham hududlar paydo bo'ladi. Yigitlarimiz barchasiga moslashgan va tezkor. Istalgan vaqtda hujumga o'tamiz.
- Yaqinda klub rahbariyatida o'zgarishlar bo'ldi. Ushbu o'yin uchun rahbariyat tomonidan rag'batlantirish vada berildi-ki, jamoaning ishtiyoqi katta bo'ldi-mi yoki boshqa sabablar bormi?
- Rahbariyatda qanday o'zgarishlar bo'libdi?
- Klub prezidenti Alisher Qodirov bo'libdi.
- U yil boshidan beri bor. Aytishim kerakki, viloyatimiz rahbarlari tomonidan barcha muammolar hal qilinmoqda. Shu sababli ularga rahmat aytamiz. Moliyaviy tomondan muammolar bo'layotgan bo'lsa ham rahbarlar futbolchilar uchun harakat qilishmoqda. O'z navbatida biz ham har bir o'yinda yaxshi o'yin ko'rsatishga intilyapmiz. Jamoa oldidagi qarzlar to'lanadi.
- Gruziyalik futbolchida ortiqcha vazn sezmadingizmi?
- Ortiqcha vaznmas-ku, moslashish qiyin bo'lmoqda. "Qizilqum" bilan o'yinda unga imkoniyat berdik. Abbos G'ulomov bilan u bitta poziciyada o'ynaydi. So'nggi o'yinlarda Abbos yaxshiroq harakat qilmoqda.
