Бу ҳақда "The Times" нашри хабар беради.
Нашр маълумотларига кўра, учта бирлашма раҳбарлари ташкилотнинг амалдаги раҳбарининг истеъфосига эришмоқчи. Улар Инфантинонинг 2027 йил мартидаги сайловларда тўртинчи муддатга ўз номзодини кўрсатиши эҳтимоли учун бир қатор сценарийларни тайёрлаб қўйишган. Эҳтимолий қадамлар орасида — параллель мусобақаларни бошлаш, ФИФА кенгаши йиғилишларини бойкот қилиш ва ташкилот қарорларини блоклаш бор.
Инфантино 2016 йилнинг февраль ойидан бери ФИФА президенти лавозимини эгаллаб келмоқда. Бунгача у УЕФАда ишлаган. Аввалроқ Инфантино шахсан ўзига ўнлаб миллион фунт стерлинг даромад келтириши мумкин бўлган сотув режасини ишлаб чиққани, музокаралар эса АҚШ президенти Дональд Трамп администрациясига яқин шахслар билан олиб борилгани ҳақида хабар берилган эди. Бир қатор футбол ташкилотлари ва спорт арбоблари бундай қарорни қоралашган
