ФИФА кенгаш аъзоларига жаҳон чемпионатининг тижорат ҳуқуқларидаги улушларини хусусий инвесторларга сотишни назарда тутувчи ва муваффақияциз якунланган FIFA Forward Enterprise (FFE) лойиҳаси бўйича ички ҳужжатлар билан танишиш имконини беришга рози бўлди. Бу қарор УЕФАнинг 2 ноябрь куни муддати тугайдиган ультиматумига жавоб бўлди.
Бироқ маълумотларни ошкор қилиш шартлари қатъий: ҳужжатлар тарқатилмайди, улар билан фақат Цюрихдаги ФИФА штаб-квартирасида қатъий махфийлик протоколлари асосида танишиб чиқиш мумкин. Кенгаш аъзоларига материалларни ўрганиш истагини рўйхатдан ўтказиш учун икки ҳафта муддат берилди. ФИФА чекловларни юридиган мажбуриятлар ва нозик маълумотларни ҳимоя қилиш билан изоҳлайди, шунингдек, ёшлар турнирларини ташкил этиш ва навбатдан ташқари конгрессга тайёргарлик кўриш сабабли банд эканини важ қилиб кўрсатмоқда.
УЕФА ўз хатида FFE лойиҳасининг чақириб олиниши ва хатоларнинг тан олиниши қарорлар қандай қабул қилингани ҳамда нима учун ФИФА кенгаши ўз вақтида жалб этилмаганини тушунтириб бермаслигини кўрсатган. Вазият олдинда турган сайловлар фондида кескинлашмоқда: Инфантино қайта сайланмоқчи, рақобатчилар учун энг сўнгги муддат эса 18 ноябрь санаси ҳисобланади, УЕФАнинг босими эса амалдаги президентнинг мавқеини сусайтириш уриниши сифатида баҳоланмоқда.
