"Бундай йиғинлар янгилик эмас. Ҳар йили Анталияда йиғиламиз. Деярли ҳар кун ўйин ўтказяпмиз. Назорат учрашувлари орқали тактик, техник ва жисмоний ҳолатимизни яхшилаб олишга ҳаракат қиляпмиз", – деди футболчи янги мавсумга қандай тайёргарлик кўрилаётгани ҳақида.
- Жамоа қанчалик мавсумга тайёр?
- Ҳар бир учрашувда максимал рақобатбардош бўлишга интиламиз. Назорат ўйинлари билан Суперлига баҳсларининг фарқи катта. Ҳаяжон ва босим бўлади.
- Янги футболчилар жамоага қанчалик киришиб кетишди?
- Кўп футболчилар билан авваллари бирга тўп тепганман. Ёш футболчилар билан бир-биримизни тушуниб олсак бўлгани.
- "Локомотив" ўз сафига фақат ёши катта футболчиларни йиғиб олди деган фикрлар янграмоқда. Ушбу фикрларга қандай муносабат билдирасиз?
- Таркибда ёшлар ҳам кўп. Ёши ўтиб қолди дейишмоқда, аммо барчасини майдонда исботлаймиз.
- Нега яна "Локомотив"га қайтишга қарор қилдингиз?
- Таклифлар ичидаги энг маъқули шу бўлди. Футбол мухлисларимизни янги мавсумда стадионларга чорлаб қоламиз. Сизлар билан футбол қизиқроқ.
