Инсайдер Грэм Бейлининг сўзларига кўра, “кўк-анорранглилар” ҳамон Маркусга қизиқиш билдирмоқда ва ёзги трансфер ойнаси ёпилгунга қадар “Манчестер Юнайтед” ҳужумчисини сафига қўшиб олишга яна бир бор уриниб кўриши мумкин. Каталония гранди инглиз футболчисининг вакиллари билан мунтазам алоқада бўлиб турибди ва трансфер эҳтимолини жиддий кўриб чиқмоқда.
Эслатиб ўтамиз, Рэшфорд 2025/26 йилги мавсумни ижара асосида “Барселона”да ўтказганди. Каталония клуби ихтиёрида футболчини 26 миллион фунт эвазига тўлиқ сотиб олиш банди мавжуд эди, бироқ июнь ойида ушбу имконият муддати тугаб, ҳужумчи “Олд Траффорд”га қайтди.
Бироқ энди вазият ўзгарди: Роберт Левандовски кетганидан сўнг, “Барселона” соф марказий ҳужумчисиз қолди ва ҳужум чизиғини кучайтириши мумкин бўлган номзодлар рўйхатини тузиб чиқди. Клуб фалсафаси билан аллақачон таниш бўлган Рэшфорднинг қайтиши мантиқий қадам бўлиб кўринмоқда.
Қайд этиш жоизки, англиялик ҳужумчи ўз фаолияти давомида МЮ сафида барча мусобақаларда жами 426 та учрашувда майдонга тушиб, 138 та гол урган. 28 ёшли футболчи, шунингдек, Англия миллий терма жамоаси либосида 62 та баҳсда қатнашиб, 17 та голга муаллифлик қилган.
