“Шўртан” ноқулай рақибнинг ғалабали сериясига барҳам бера оладими?

Ихтиёр Каримов шогирдлари сафардаги кичик мағлубиятдан сўнг, жамоа ўз майдонида олий лиганинг етакчилар қаторига кириб бораётган, мавсумни ажойиб тарзда бошлаган “Қўқон-1912” жамоасига қарши кечадиган ўйинга тайёргарлик кўрмоқда.

Бўлажак баҳсда ғузорликлар  2015 йилги мавсумдан буён бу рақиб билан олий лигадаги ўзаро тўқнашувларида  “Қўқон-1912” жамоаси устидан бирор марта ғалаба қозонмаган.  2016 йилги мавсумда тур натижасида  0:2 , 2:4  ҳисоблари қайд этилган.

7-турда  “Қўқон-1912” “Металлург” билан ўйнади. Ушбу ўзига хос кескин курашда  “Қўқон-1912” йирик ҳисобда устун келди. Қўқонликларнинг ҳар учала голи Суҳроб Бердиев номига ёзилди. Ушбу ғалабадан кейин “Қўқон-1912” очколари сонини 14тага етказди ва жадвалда 2-ўринни эгаллаб турибди.  Қўқонликлар  меҳмонда  ҳам ғалабали серияни расмийлаштиришга ҳаракат қилишади. “Оқ бўрилар” эса  ўз майдонида мухлислари кўз ўнгида ноқулай рақибга ҳужумкор футболни туҳфа этиши аниқ. “Шўртан” жадвалдаги ҳолатни яхшилашни истаса, Ғузорда кечадиган баҳсда рақибдан очко тортиб олиши  шарт бўлади.

Бу сафар Ихтиёр Каримов бошчилигидаги “Шўртан” жамоаси  қўқонликларнинг ўзаро баҳслардаги ғалабали сериясига барҳам бера оладими. Шубҳасиз, 28 апрель шанба оқшомида  икки жамоа ўртасидаги тўқнашувда ажойиб футбол шоусини гувоҳи бўламиз.

Фаҳриддин Чориев.