Александр Хомяков: "Аввало, руҳий босимни енгиб ўтишимиз лозим эди"

Шундай қилиб, "Бухоро" Суперлигада қоладиган бўлди. Ўйиндан кейинги матбуот анжуманида "Бухоро" бош мураббийи Александр Хомяков иштирок этди.

- Ўйин ҳақида фикрингиз...

- Барча бухоролик мухлисларни жамоа Суперлигада қолгани билан табриклайман. Бунинг учун биз қийин йўлни босиб ўтдик. Нукусга битта коллектив бўлиб келдик ва мақсадимиз ғалаба қозониш эди. Кичик ҳисобда зафар қучдик ва энг муҳими, ўз олдимиздаги вазифани уддаладик.

- "Бухоро" деярли бутун ўйинни назорат  қилди. Бу учрашувга тайёргарлик қандай олиб борилди?

- Психологик томондан катта босим бор эди ва, аввало, шу босимни енгиб ўтишимиз лозим эди. Тайёргарликни эса одатдагидек олиб бордик. Машғулотда алоҳида ишганимиз йўқ, фақат масумнинг энг охирги ўйини бўлгани учун футболчиларнинг жисмоний ҳолатини ушлаб туришга ҳаракат қилдик. Мавсум давомида бир қанча ўйинлар ўтказдик. Ғалабали, шу билан бирга қийин ўйинлар ҳам кўп бўлди. Ушбу мавсум учун барчага раҳмат айтаман.