Расман: "Аякс" июль ойидан бери клубсиз бўлган "Арсенал" собиқ ҳимоячиси билан шартнома имзолади
16 дек 20:25
Янгиликлар

Расман: "Аякс" июль ойидан бери клубсиз бўлган "Арсенал" собиқ ҳимоячиси билан шартнома имзолади

Такехиро Томиясу Нидерландия клубига ўтди.

"Аякс" "Арсенал"нинг собиқ ҳимоячиси Такехиро Томиясунинг жамоага ўтганлигини эълон қилди. 27 ёшли япониялик футболчи билан тузилган шартнома 2026 йилнинг 30 июнигача амал қилади. Томиясу июль ойида "Арсенал" билан шартномасини бекор қилганидан сўнг эркин агент сифатида фаолият юритаётган эди. Ҳимоячи февраль ойида тиззасида ўтказилган жарроҳлик амалиётидан кейин тикланиш жараёнини ўтаган ва яқинда машғулотларга қайтган.

Томиясу 2024/25 йилги мавсум АПЛда 1 ўйин ўтказган. Ундан олдинги мавсумда эса лондонликлар сафида 30 учрашувда майдонга тушиб, 2 та гол урган ва 3 та голли узатмани амалга оширган эди.