Шерзод Насруллаев: "Пахтакор", "Навбаҳор" ва ОКМКларни мағлуб этганимиз бизга чемпионлик руҳини тақдим этди"
10 ноя 2024 00:31
Янгиликлар

Шерзод Насруллаев: "Пахтакор", "Навбаҳор" ва ОКМКларни мағлуб этганимиз бизга чемпионлик руҳини тақдим этди"

Теглар : "Насаф"Шерзод Насруллаев Чемпионлик

"Насаф"га чемпионлик кубоги топширилганидан сўнг Шерзод Насруллаев сайтимизга кичик интервью берди.

- Чемпионликни нишонлаяпсизлар, дастлабки ҳиссиётларингиз билан бўлишсангиз?

- Биринчи маротаба чемпион бўлишимиз. Бу албатта ёқимли.

- Ўзбекистон Кубогини бир неча маротаба қўлга киритгансизлар. Суперлигада биринчи маротаба чемпион бўлдингиз. Суперлигада ғолиблигини қўлга киритиш қандай бўлди?

- Бу "Насаф" тарихида бўлмаган воқеийлик эди. Бунинг ўрни жуда катта.

- Мухлислар ҳақида қандай фикрдасиз?

- Бугун мағлуб бўлдик, лекин бор кучимиз билан ўйнадик. Мақсадимиз мухлисларни хурсанд қилиш эди.

- Сиз учун мавсумдаги энг қийин ўйин қайси бўлди?

- Биз учун сўнгги ўйинларнинг барчаси қийин кечмоқда. Айниқса, чемпионликни қўлга киритиб бўлганимиздан сўнг. Мавсум якунланишидан анча олдин "Пахтакор", "Навбаҳор" ва ОКМКларни мағлуб этгандик. Ўша баҳслар бизга чемпионлик руҳини тақдим этди.

- "Ал Ҳуссейн"га қарши баҳсда рақиб футболчисининг сочидан тортдингиз. Бунга нима сабаб бўлди?

- Ҳазил тариқасида шундай қилгандим(кулади).