"Яхши етиб келдик. Мослашиш жараёни бошланди. Орадаги фарқ 9 соат бўлишига қарамасдан кўникиб қолдик. Барчаси яхши.
Бу ҳиссиётларни етказиб бериш жуда қийин. Албатта Жаҳон чемпионатида ўйнаш барча футболчиларнинг орзуси. Мундиал олдидан 30талик рўйхатга тушиш - мен учун фахр. Бундан жуда хурсанд бўлдим.
Канада ва Нидерландияга қарши ўйинлар тактик томонлама ҳам биз учун анчагина ёрдам беради. Биз ўзимизни исталганча синаб олишимиз мумкин.
Бош мураббийдан кўп нарсаларни ўрганяпман, айниқса тактик томондан. Жисмонан ўсишга эришаётганимни ўзим ҳис қиляпман. Менимча барча футболчиларда шундай бўлса керак.
Мухлислар бизни қўллаб-қувватлашсин. Халқимиз учун жонимизни бериб ўйнаймиз", - деди Шерзод Эсанов.
