- Ўйин ҳақида фикрингиз?
- Биринчи навбатда мухлисларимизни узоқ кутилган ғалаба билан табриклайман. Ўз майдонимизда ўйнаб ғалабага эришдик. Яхшироқ ўйин кўрсатишимиз ҳам мумкин эди, бироқ асосий эътиборни натижага қартадик. 4-5та учрашувдан бери юта олмаётгандик, бу эса жадвалдаги ҳолатимизга таъсир қилди.
Биз бугун жуда муҳим баҳсни ўтказдик, йигитлар ғалаба учун бор кучни беришди. Иккинчи таймда бироз орқада ўйнадик, бу руҳият билан боғлиқ деб ўйлайман. Ҳисобни сақлаб қолишга ҳаракат қилдик, лекин иккинчи таймда ҳам тўп киритишимиз мумкин эди. Янги футболчиларимиз бор, масалан Ҳошимов учун бу биринчи ўйин бўлди. Босим остида ўйинни ўтказдик, муҳими ўз мақсадимизга эришдик.
