Сергей Лушчан: "Кубок ўйинларида футболчиларга қўшимча мотивация керак"
02 июл 23:50
Янгиликлар

Сергей Лушчан: "Кубок ўйинларида футболчиларга қўшимча мотивация керак"

Бугун Ўзбекистон Кубоги 1/8 финалдан ўрин олган "Хоразм" - "Навбаҳор" (1:3) учрашуви ўтказилди. Ўйиндан кейинги матбуот анжуманида "Навбаҳор" бош мураббийи Сергей Лушчан ўз фикрини баён этди.

- Дастлаб учрашув ҳақида фикрингиз?

- Жуда асабий ўйин гувоҳи бўлдик. Биринчи тайм биз учун унчалик ўхшамади. Танаффусдан кейин эса ўйин услубимизни ўзгартиришга ҳаракат қилдик. Ҳар тўртинчи кун майдонга тушиш оғир бўляпти. Кубок баҳслари доим ўзгача кечади. Бунда футболчиларга алоҳида мотивация керак.

Ёшларни синаб кўряпмиз, улар ҳам ўзларини кўрсатишга ҳаракат қиляпти. Баъзан имкониятлардан фойдалана олмаяпмиз. Машғулотларда бунинг устида ишлашда давом этамиз. Яна уч кундан сўнг биринчи давранинг охирги баҳсини ўтказамиз. Энди "Пахтакор" билан бўладиган ўйинга тайёргарлик кўрамиз.

- "Хоразм" жамоасидан шундай қаршилик кутганмидингиз?

- Бугун рақиб мезбон мақомида тўп тепди ва бу доим устунлик беради. "Хоразм" менда илиқ тассурот қолдирди, улар футбол ўйнашга ҳаракат қилди. Фақат рақиб жамоа вазиятлардан фойдалана олмади, биз эса учта гол уришга эришдик. Натижада ғалаба қозониб кейинги босқичга чиқдик.

Ҳавола :

Манба : championat.asia

Янгиликларни Телеграмда ўқинг!

Рейтинг: +8