“Бугун Миллий футбол марказидаги илк машғулотни олиб боряпмиз. 3 кун шу ердамиз. Кейин Венгрияга учиб кетамиз, у ерда 3 кун шуғулланиб, Португалияга йўл оламиз. У ерда Португалия, Туркия ва Руминия билан ўртоқлик учрашувлари кутмоқда.
Халқаро ўйинлар биз учун ЖЧ олдидан сўнгги тайёргарлик вазифасини ўтаб беради. Ҳамма кучли футболчиларни жалб этдик. Сардоримиз Муҳаммад Ҳакимов миллий терма жамоага жалб этилди. Бу биз учун катта ютуқ. Шундай ёш футболчининг терма жамоага чақирилиши зўр. Уни табриклайман!
2 маҳал машғулот қиляпмиз. Эрталаб жисмоний, кечқурун тактик тайёргарлик олиб бориляпти. Албатта, стандарт вазиятлар устида ҳам ишламоқдамиз.
Португалиядан қайтганимиздан кейин ЖЧ олдидан Эквадор билан иккита ўйин ўтказамиз, сўнгра ЖЧга учиб кетамиз”, – деди Чигодаев.
