Бу ҳақда Footmercato хабар бермоқда.
Манба берган маълумотларга кўра, футболчи жамоадошларига нисбатан ҳурматсизлик қилганликда ҳам айбланмоқда.
Бундан олдинроқ, 27 ёшли Гейе терма жамоадаги фаолиятини тўхтатгани ва унда мураббийлар штаби алмашмагунча қайтмаслигини эълон қилгани хабар қилинганди.
Эслатиб ўтамиз, Сенегал 2026 йилги жаҳон чемпионатини 1/16 финалда якунлаган эди. Папа Тиав шогирдлари учрашувнинг 86-дақиқасигача икки тўп фарқи билан олдинда бора туриб, Бельгияга имкониятни бой беришди ва 1/8 финалга чиқа олишмади. Африка жамоасини ЖЧдан чиқариб юборган гол учрашувнинг 120+5-дақиқасида пенальтидан киритилди. Гейе ушбу ЖЧдаги тўртта ўйинда иккита гол ва битта голли узатмани ўз ҳисобига ёздириб қўйди. Ярим ҳимоячи Африка жамоаси сафида жами 45 та ўйин ўтказиб, еттита гол урган ва иккита самарали узатмани амалга оширган.
