Ўйин Сиэтлдаги "Люмен Филд" стадионида бўлиб ўтади ва Тошкент вақти билан соат 01:00 да бошланади.
"Биз ғалаба қозонишда давом этишимиз керак. Бу ўйинда ютиш ва кейинги босқичга ўтишга қатъий белги боғлаганмиз. Биз учун янги мусобақа бошланяпти. Гуруҳда биринчи бўлиб ҳам, барибир турнирдан чиқиб кетишингиз мумкин. Биз буни Марокаш ва Нидерландия ўртасидаги ўйинда қандай содир бўлганини кўрдик. Ғалаба қозониб, кейинги босқичга чиқиш учун қатъият билан ҳаракат қилишимиз керак.
Биз бу учрашувга катта қатъият ва ишонч билан, шу билан бирга Бельгияга нисбатан катта ҳурмат билан ёндашмоқдамиз. Бу жамоа ажойиб натижалар кўрсатмоқда. Улар Европа ва жаҳон футболидаги жиддий куч. Аммо биз турнирда қолиш учун бор кучимизни беришга тайёрмиз.
Бу ўйин учун энг яхши бошланғич таркибни майдонга туширишга ҳаракат қиламиз. Лекин ўйин бошидан охиригача муҳим бўлишини биламиз. Захирадан ким майдонга тушмасин, у албатта ўз ҳиссасини қўша олади.
Дастлабки иккита ўйиндаги [гуруҳ босқичи] мағлубиятлар оғир кечди. Ироққа қарши ўйинда стратегияни ўзгартиришимиз керак эди ва айнан шуни амалга ошириб, плей-оффга йўл олдик", — деди Тиав.
