"Биринчи навбатда, бу Аллоҳнинг иродаси эди. Бу ўйин ва унинг натижаси тақдирга ёзилган эди. Биз аъло даражада биринчи бўлимни ўтказдик ва иккинчи бўлимнинг катта қисмида ҳам яхши кўриндик. Биз бир нечта кичик хатоларга йўл қўйдик, ҳакамликка келсак, бу борада изоҳ беришдан тийилишни афзал кўраман. Ҳамма нима бўлганини кўрди. Бундан ортиқ қўшадиган гапим йўқ.
Бизнинг голимизни бекор қилишди, шунингдек, дарвозамизга пенальти белгиланмади. Шундан сўнг дарҳол рақиб қарши ҳужумга ўтиб, гол урди. Мураббий бизни турнирдаги иштирокимиз билан табриклади. У янада олдинроққа боришимизни истаганди, лекин бу Аллоҳнинг иродаси. Биз ушбу турнирда эришган ютуқларимиз асосида келажакни қурамиз ва Худо хоҳласа, олдинда бизни янада муваффақиятли келажак кутмоқда.
Биз амалдаги жаҳон чемпионларига қарши ўйнадик ва бизни жуда оғир учрашув кутаётганини билардик. Биз рақибга аъло даражада тайёргарлик кўрган эдик ва бу ўйиннинг дастлабки дақиқалариданоқ сезилиб турди. Аммо якунда Аллоҳ бизга айнан шундай тақдирни раво кўрди", – деди Салоҳ.
