"Менинг ўйин услубимни тез орада кўрасиз. Сентябрь ойидаги матбуот анжуманида буни муҳокама қилиш имкониятига эга бўламиз. Мен ўз ғояларимни озроқ тушунтириб бераман. Буларнинг барчаси ҳақида гаплашишга вақтимиз бўлади. У "Реал"да қилган ишларимга ўхшаш бўлади. Франция терма жамоаси — бу менинг босиб ўтган йўлимнинг давомидир.
Мени ўйиннинг ўзи илҳомлантиради. Мен 10-рақамли позиция ўйинчиси бўлганман ва мени ҳар доим гол уриш руҳлантирган. Мен ўйинни яхши кўраман. Мен фаолиятимни Францияда бошлаганман, кейин 25 йилни Испанияда ўтказдим — бу нимани англатишини тушуниб турибсиз.
Майдонда мен етакчи эдим, энди эса ўз тажрибам эвазига мураббий сифатида ҳам етакчи бўлишни хоҳлайман. Бизда ҳамма нарса етарли: ажойиб ўйинчилар ва шакллантириладиган мураббийлар штаби. Ва менинг етакчи сифатидаги вазифам ушбу жамоа ғалаба қозонишда давом этишини таъминлашдан иборат бўлади", — дея Зиданнинг сўзларини Франция футбол федерациясининг расмий сайти келтиради.
