Эслатиб ўтамиз, форвард Миллатлар лигаси 1-туридан ўрин олган Туркияга қарши ўйинда (1:0) гол урган вазиятида тизидан жароҳат олиб, Франция терма жамоаси ихтиёрини тарк этди.
Мбаппенинг учрашувнинг 59-дақиқасида алмаштирилиши "қаймоқранглилар" бош мураббийи Жозе Моуриньюни хавотирга солди ва у ҳужумчи билан боғланишга шошилди, хабар беради L’Équipe.
Бироқ жума куни кечқурун "Реал" тиббий штаби норозилик билдирди. Маълум бўлишича, франциялик футболчи ўтган душанба куни Клерфонтенга айнан шу соҳадаги енгил оғриқдан шикоят қилиб келган. Мадрид клуби Франция терма жамоаси шифокорларига бу ҳақда олдиндан барча маълумотларни тақдим этиб, йиғиннинг дастлабки босқичида ўйинчига нисбатан эҳтиёткор бўлишга чақирган эди. Аслида, мадридликлар раҳбарияти Туркияга қарши ўйинда Мбаппе асраб қолинади деб умид қилган эди.
Якунда мадридликлар Мбаппеда чап тизза орқа капсуласининг гиперэкстензиясини (ҳаддан ташқари тортишишини) ташхислашди. Қайд этилишича, кейинги текширувлар натижалари кутилаётган бир пайтда, "Реал" вақтни бекорга йўқотмаслик учун Мбаппега даволаниш протоколини ишлаб чиқиб бўлган.
