Айни вақтда "Ал Насср" ҳужумчиси ҳисобида 979 та гол бор. У 833 та голни клуб миқёсида, 146 тасини эса ўз миллий терма жамоаси таркибида киритган.
— Криштиану Роналду билан ўйнаш нимани англатади?
— Бу футболда жуда кам сонли одамлар қила олганини айта оладиган нарса. Менга у билан терма жамоада, энди эса "Ан-Наср"да бирга ўйнаш бахти насиб этди. Очиғи, бу катта фахр.
Биз кумиримиз ва ўрнагимиз бўлган Криштиануни томоша қилиб улғайганмиз, энди эса мен у билан шундай лаҳзаларни баҳам кўра оляпман. Жумладан, ўтган йилги чемпионлик унвони ҳам ўзгача бўлди. Криштиануга клубга келган пайтидан бери интилган трофени қўлга киритишда ёрдам бериш имконияти.
Бундан максимал даражада завқ олиш керак, чунки бу абадий давом этмаслигини яхши биламиз. Аммо у шу ерда экан, биз унинг ёнида бўламиз.
— Унинг 1000-голига голли узатма бераётганингизни тасаввур қиласизми?
— Мен бу ҳақда аллақачон ўйлаганман. Унга битта гол етмай турган маҳалда, ҳар сафар тўп менда бўлганида унга қарайман ва узатма бера оламанми-йўқми, шу ҳақда ўйлайман.
Бу гол футбол тарихига киради ва шундай лаҳзада унинг ёнида бўлиш ажойиб бўларди, — деди Феликс.
