Мадридликлар чорак финал баҳсларида "Бавария"га (1:2, 3:4) имкониятни бой бериб, мусобақани тарк этишди.
"As" нашри хабарига кўра, мюнхенликлар билан дастлабки ўйиндан сўнг "Реал" раҳбарияти футболчиларни Чемпионлар Лигасида қолиш учун қўшимча мотивация билан таъминлаш кераклигини тушуниб етган. Клуб президенти Флорентино Перес ва унинг ҳамкасблари ҳар бир футболчига ярим финал йўлланмаси учун (солиқлар чегирилгунга қадар) 500 000 евродан таклиф қилишга қарор қилишган.
Бу каби мукофотлар кўп йиллар олдин муҳим ўйинларда футболчиларни рағбатлантириш мақсадида кенг қўлланилган, бироқ кейинчалик "Реал" эътиборни жамоавий ва йирикроқ муваффақиятлар учун тақдирлашга қаратган эди.
Ушбу маблағларни ЕЧЛ ярим финалидан келадиган даромадлар ҳисобига қоплаш мумкин эди. Ярим финалга чиқиш "Реал"га 15 миллион евро миқдорида бонус, шунингдек, чипталар сотувидан тахминан шунча миқдордаги даромадни кафолатларди.
