Хусусан, қўшни Қозоғистоннинг таниқли спорт журналистлари ва футбол мутахассислари ҳам Ўзбекистон миллий терма жамоасининг бўлажак мундиалдаги имкониятларини юқори баҳолашмоқда.
Қуйида қозоғистонлик икки нафар етакчи экспертнинг "оқ бўрилар"нинг ЖЧдаги имкониятлари, рақиблар ва Фабио Каннаваро бошчилигидаги тайёргарлик жараёни ҳақида билдирган фикрлари билан танишишингиз мумкин.
Ербол Каиров ("Оқжетпес" ФК директори, спорт журналисти):
"Менимча, Ўзбекистоннинг гуруҳдан чиқиш учун имкониятлари яхши. "К" гуруҳининг яққол фаворити — Португалия. Шунга қарамай, Ўзбекистон Колумбия ва Конго ДР билан бемалол кураша олади. Шунингдек, Каннаваро шогирдларининг ҳатто учинчи ўринни эгаллаб бўлса ҳам плей-оффга йўл олиш имконияти мавжуд".
Алим Динасилов ("ASnews.kz" портали бош муҳаррири):
"Ўзбекистон Жаҳон чемпионатидаги энг қийин гуруҳдан жой олди. Португалияликлар гуруҳда биринчи ўринни эгаллашга ҳаракат қилиши аниқ. "Оқ бўрилар" эса Колумбия ва Конго ДРга жиддий қаршилик кўрсата олади.
Каннаваро жамоани йиғишни нисбатан эрта бошлади — улар дарҳол АҚШга учиб кетишди ва у ерда ўқув-машғулот йиғинларини ўтказишмоқда. Канада ва Нидерландияга қарши ўртоқлик учрашувлари бош репетиция вазифасини ўтаб беради. Агар вакилларимиз ушбу ўйинларда муносиб ҳаракат қилишса, бу ҳам руҳий томонлама, ҳам тактик ишланмалар борасида катта “плюс” бўлади. Ўзбекистонга мундиалда омад тилайман!"
