"Биз ушбу вазиятдаги хатони тан олишни муҳим деб ҳисобладик. Биламизки, Эрлинг Холанд офсайдда бўлмаса ҳам, унга нисбатан шубҳа қилинган эди. Шунингдек, офсайдда бўлган Энцо Фернандес "МЮ" ҳимоясига ва катта эҳтимол билан дарвозабонга ҳам халақит берганини яхши биламиз.
Барчамиз каби мен ҳам бундай натижадан жуда хафсалам пир бўлди. Энг кўп эса ҳакамларнинг ўзлари қийналишмоқда. Улар ўз ишлари билан ҳақли равишда фахрланишади ва ҳозирда бу вазиятни уддалай олмаганидан қайғуришмоқда. Улар терма жамоалар ўйинлари учун танаффус тугагунга қадар ўйин бошқаришмайди.
Биз "Манчестер Юнайтед" билан боғланиб, бу каби ҳолатларда қилганимиздек — гарчи бундай нарсалар камдан-кам учраса ҳам — хатони тан олдик. Биз шаффоф ва очиқ ҳаракат қилишни хоҳлаймиз. Нима содир бўлганини тушуниб етишлари учун клубга аудио ва видео ёзувларни тақдим этдик. Қайси жараён элементлари иш бермаганини ва тўғри қарорга келишга халақит қилганини тушуниш учун вазиятни таҳлил қиламиз.
Майдондаги қарор Фернандесга қарши эмас, балки Холанда қарши чиқарилган эди. ВАР текширувни бошлаганида, Холанд аслида офсайдда эмаслигини кўради. ВАР эътиборини жуда ҳам Ҳоландга қаратади. У футболчининг тўғри позицияда эканлигини аниқлайди, аммо ўйиннинг ушбу фазасини тўлиқ ўрганиб чиққанида, Фернандеснинг таъсирини етарлича баҳоламайди. Унда туннель кўриши (бир нуқтага тикилиб қолиш) юзага келади, лекин унинг жамоасининг қолган қисми уни ўша туннелдан чиқариб юбориши керак эди. Афсуски, бу сафар бундай бўлмади.
Бу гол бекор қилиниши керак эди", — деди Уэбб.
