ПРО-Лига, “В” гуруҳи. 3-турда энг кўп мухлис Зоминда

Очиғини айтганда, “В” гуруҳидаги ўйинлар ишқибозларнинг қизиқишидан четда қолмоқда. Чунки мухлисларнинг ташрифи у қадар кўп бўлаётгани йўқ. Томошабинлар сони 3000тадан ҳам ортаётгани йўқ.  

Хусусан, 3-турнинг жами 4та ўйинига 5253та мухлис киргани ҳам сўзимизни исботласа ажаб эмас. Ҳар бир учрашувга ўртача 1313 нафар ишқибоз демакдир. Албатта бу жуда оз.
3-турда энг кўп мухлисларнинг қизиқишига сабаб бўлган баҳс “Зомин” – “Шердор” (0:2) ўйини бўлди. Зоминдаги учрашувга 2513 нафар томошабин ташриф буюрган. Шунга қарамай мезбонлар ўз уйида кутилмаганда “Шердор”га имкониятни бой берди.

Энг кам ишқибоз кирган учрашув Наманган вилояти, Уйчи туманида кечган “Хотира-79” – “Локомотив-БФК” (4:3) ўйини бўлди. Голларга бой бўлган баҳсни атига 707 нафар мухлис бевосита стадионда кузатиб борди.

Томошабинлар ташрифи кимда қандай?

 “ХОТИРА-79” – “ЛОКОМОТИВ-БФК” - 4:3 (2:1).
Уйчи тумани. “Пахтакор” стадиони. 707 томошабин.

 “ЗОМИН” – “ШЕРДОР” - 0:2 (0:0).
Зомин шаҳри. “Марказий” стадион. 2513 томошабин.

 “ҒИЖДУВОН” – “ИФТИХОР” - 2:1
Ғиждувон шаҳри. “Наврўз” стадиони. 1208 томошабин.

 “ЁЗЁВОН” – “ЛАБСА” - 0:0
Ёзёвон шаҳри. “Ёзёвон” стадиони. 825 томошабин.