Луис де ла Фуэнте: "Месси ва Роналду фаолиятини якунламасликлари керак"

- Келинг, энг сўнгги мавзудан бошлайлик: Кабо-Верде, Саудия Арабистони ва Уругвай сизни қайси жиҳатдан ташвишга солмоқда?

- Ҳали вақт бор ва биз рақибларимиз ҳақида маълумот тўплаш босқичидамиз. Лекин мақсадимиз фақат гуруҳ босқичидан ўтиш эмас, босқичма-босқич юриб финалга чиқишимиз лозим. Бу эса энг кучли рақиблар билан тўқнашишимизни англатади.

Нисбатан осон гуруҳга тушиш шунчаки жиддийроқ ўйинлар учун йўл очади. Аммо Саудия Арабистони сўнгги жаҳон чемпионатида Аргентинани мағлуб этганини ва Уругвай футбол тарихининг ажралмас қисми эканлигини эслатиб ўтмоқчиман. Менимча, мақсад биринчи ўринни эгаллаш, чунки ҳар қандай хато Майамининг иссиқ ва нам иқлимида биринчи босқичда Аргентинага қарши ўйинга олиб келиши мумкин. Асосий режамиз - ҳар бир ўйинда ғалаба қозониш, аммо плей-оффда жуфтликлар қандай бўлишини олдиндан айтиш қийин. Бироқ мен бу ҳақда бош қотирмаяпман; финалга чиқиш учун дунёнинг энг кучли жамоаларига қарши бир нечта жуда мураккаб ўйинлар ўтказишимиз кераклигини биламан.  Ҳар ҳолда, Аргентинага ўхшаган жамоага қарши кучимизни синаб кўрамиз. Бунинг сабаби, Бьелса Уругвай терма жамоасини бошқараётгани. Уругвай терма жамоаси жуда рақобатбардош ва унда ажойиб футболчилар ўйнайди. Жамоа яхши тайёргарлик кўрмоқда. Мен Белсанинг мухлисиман.

- Финалиссимада Испаниянинг навбатдаги рақиби Аргентина бўлади. Бу ўйин терма жамоанинг жаҳон чемпионати арафасидаги шаклини кўрсата оладими?

- Хўш, мен бу ўйинда иштирок этишни хоҳлайман, чунки у Европа ва Жанубий Америка чемпионлари ўртасидаги учрашувдир, шунингдек, Аргентинадек рақибга қарши ўйнашни истайман. Ҳар икки жамоанинг салоҳиятини синовдан ўтказишдан ташқари, мени кўпроқ яна бир финалда қатнашиш ва янги унвонни қўлга киритиш имконияти қизиқтиради.

- Месси ҳамон қўрқишга арзийдими ёки у аввалгидек эмас?

- Месси фаолиятини якунламаслиги керак бўлган футболчилардан бири. Худди Криштиану Роналду сингари. Улар ажойиб.

Месси финалда ёки жаҳон чемпионатида қандай шаклда бўлишидан қатъи назар, у биргина деталь билан ўйинни ўзгартира оладиган футболчилардан бири. Шунинг учун мен Леонинг карераси ва келажагига тўлиқ ҳурмат ва ҳайрат билдираман," - деди де ла Фуэнте.