ПРО-Лига, “Б” гуруҳи 4-тур. Энг кўп мухлис Вобкентда, Самарқандда энг кам

Сешанба куни бўлиб ўтган “Б” гуруҳидаги 4та ўйинга жами 6 618 нафар томошабин ташриф буюрди.

Ҳар бир учрашувга ўртача 1 654 та мухлис қадам ранжида қилган.

Энг кўп ишқибоз Бухоро вилояти, Вобкент туманида кечган “Лабса” – “Хотира-79” (1:2) учрашувига ташриф буюрди. Қизиқарли ва муросасиз тарзда кечган баҳсда меҳмонлар иродали ғалабага эришди. Мазкур ўйинга 3114 нафар ишқибоз келган.

Аксинча бу борадаги энг паст кўрсаткични самарқандликлар қайд этди. Ўтган турда “Динамо”нинг ўйинига 10 000дан зиёд мухлис кириб, бу борада барчага ўрнак бўлганди. Аммо самарқандликлар бу турда энг паст кўрсаткични қайд этди. Самарқанддаги “Динамо” стадионида кечган “Шердор” – “Ғиждувон” (2:2) учрашувини атига 157 нафар томошабин бевосита стадионда кузатиб борди.  

Томошабинлар ташрифи кимда қандай?

“ЛАБСА” – “ХОТИРА-79”  - 1:2  (1:0).
Вобкент шаҳри. “Ёшлик” стадиони. 3114 томошабин.

“ИФТИХОР” – “ЁЗЁВОН” - 3:0  (2:0).
Олтиариқ шаҳри. “Марказий Олтиариқ” стадиони. 3005 томошабин.

“НУРАФШОН” – “ЗОМИН” - 1:1 (1:0).
Тошкент вилояти. “Дўстлик” стадиони. 342 томошабин.

“ШЕРДОР” – “ҒИЖДУВОН” - 2:2  (1:0).
Самарқанд шаҳри. “Динамо” стадиони. 157 томошабин.