Пике 0:0 ҳисобидаги дуранг учун жамоаларга очко бермасликни таклиф қилди
28 фев 15:08
Янгиликлар

Пике 0:0 ҳисобидаги дуранг учун жамоаларга очко бермасликни таклиф қилди

"Барселона" собиқ ҳимоячиси Жерар Пике ўйин 0:0 ҳисобида якунланган тақдирда жамоаларни очкодан маҳрум қилиш таклифини илгари сурди

"Футбол стадионига 100, 200 ёки 300 евро сарфлаб кирганингизда, ўйин 0:0 ҳисобида тугамаслиги керак. Ниманидир ўзгартириш зарур. Кўриб чиқилиши мумкин бўлган таклифларидан бири сифатида айтишим мумкинки, ўйин 0:0 ҳисобида якунланса, жамоалар очкога эга бўлмаслиги лозим. У ҳолда 70-дақиқадан бошлаб учрашв очиқроқ ўтади", – деди Пике.

Эслатиб ўтамиз, Жерар Пике "Барселона" тарбияланувчиси ҳисобланади. 2023 йилда фаолиятини тугатган. Фаолияти давомида у Испаниянинг иккита клуби – "Сарагоса" ва "Барселона"да, шунингдек, Англиянинг "Манчестер Юнайтед"ида ўйнаган. Пике айни пайтда Сегундада ўйнайдиган "Андорра" футбол клуби президенти ҳисобланади.

Ҳавола :

Манба : Marca

Янгиликларни Телеграмда ўқинг!

Рейтинг: +16