Бу ҳақда “Football Insider” хабар берди.
Манба маълумотларига кўра, 20 ёшли бразилиялик футболчининг шартномасида товон пули миқдори кўрсатилган бўлиб, у тахминан 153 миллион еврони ташкил этади. Бу банд 2027 йилдан кучга киради.
Футболчи ўтган ёзда "Виталити Стэдиум"га келганидан буён Премьер-лиганинг бир қатор клублари эътиборини тортди.
Ҳужумчи 2025/26 йилги мавсум 15 та ўйинда 5 та гол урди ва 2 та голли пас узатди. Унинг “Борнмут” билан тузган шартномаси 2031 йил 30 июнга қадар амал қилади.
Transfermarkt Бразилия терма жамоаси футболчисининг трансфер қийматини 60 миллион еврога баҳоламоқда.
