Шунингдек, бразилиялик футболчи "Ливерпул"га қарши Англия Лига Кубоги баҳси учун "шпорлар" қайдномасига киритилмади. Аввалроқ ҳужумчи асосий жамоа режаларига кирмаслиги маълум қилинганидан сўнг "Тоттенхэм"нинг АПЛ учун топширган рўйхатидан ҳам жой олмаган эди.
"Ришарлисонга тўхталадиган бўлсак, сиз барини яхши биласиз ва на Лига Кубоги, на Премьер-лига учун ҳеч нарса ўзгармайди. Вазият аввалгидек қолмоқда. Бу масалада ўртадаман ва ортиқча ҳеч нарса дея олмайман, чунки бу менинг вазифам эмас. Мен фақат натижаларга, таркибдаги футболчиларга, ҳужум ва ҳимоядаги ўйинга жавоб бера оламан, бошқа нарсаларга эмас.
Мавсум бошида у билан гаплашдим ва шартномани узайтиришни таклиф қилдим. Агар у: "Йўқ, раҳмат", деган бўлса, демак, шу билан менинг ишим якунланган. Мен сўнгги 45 кун ичида нималар юз берганини биламан, аммо бу ҳақда гапириш нотўғри бўларди. Муаммо футболчи ва клуб ўртасида юзага келган", – деди Де Зерби.
Мураббий, шунингдек, Ришарлисонни жамоада қолишга бир неча бор кўндиришга уринганини, аммо футболчи бу таклифни рад этганини қўшимча қилди.
Ришарлисон 2026/27 йилги мавсум АПЛ 1-тури доирасида "Брентфорд"га қарши учрашувда "Тоттенхэм" асосий таркибида майдонга тушганди. Кейинчалик ҳужумчига клубни тарк этишга рухсат берилди, аммо унинг "Эвертон"га ўтиши амалга ошмай қолди, "Трабзонспор" томонидан билдирилган қизиқиш эса трансфергача етиб бормади.
