Келишувга асосан, 26 ёшли футболчи жорий мавсум якунига қадар Термизнинг "Сурхон" клубидан ижара асосида пойтахтликлар таркибига кўчиб ўтди. У 90-рақамли либосда тўп тепади.
Жорий мавсумда легионер ҳужумчи термизликлар сафида юқори сермаҳсуллик намойиш этиб келаётган эди. У "Сурхон" либосида жами 14 та расмий учрашувда майдонга тушиб, рақиблар дарвозасига 11 та гол киритишга ҳамда 2 та голли узатмага муаллифлик қилишга муваффақ бўлди.
Маълумот ўрнида таъкидлаш жоизки, Стефан Чинеду Ўзбекистон чемпионатига келгунига қадар Европанинг бир қатор жамоаларида фаолият юритган. Жумладан, унинг фаолияти давомида Хорватиянинг "Неретванац", "Хайдук", "Дугополе", "Солин", Албаниянинг "Динамо", Босния ва Герцеговинанинг "Широки Бриег", шунингдек, Сербиянинг "Раднички" ва "Раднич" клублари мавжуд.
